خوي توركو
اوغلان-قيز داغي
پورموسي كندي نين اؤروشونده اوغلان-قيز آديندا بيرداغ وار.بو داغين حاققيندا دئيرلر:بير باجي-قارداش بورادا مال اوتاريرديلار.مال لار ايتير،نه قده ر گزيرلر،تاپانميرلار.
ائوه دؤنمگه اوزلري اولمور.اوغلان آللاها يالوارير مني داش ائيله.آللاه اوغلاني داش ائيله يير.قيز،يئنه هر يئري اله نير دؤله نير،مال لاري تاپانمير.قيزين دا ائوه دؤنمگه اوزي اولمور،دئيير:آللاه مني ده داش ائيله.آللاه اونودا داش ائيله يير.بونلارين داش اولدوقلاري داغا،جماعت اوغلان-قيز داغي دئيرلر.بورادا ايكي اوز-اوزه داش وار.بويلاري تقريباً 85 سانتيمتر و تقريباً بير مئتير ياريم جا بير-بيرلريندن آرالي ديلار.فولكلور وارليغيميز(علي ظفرخواه)
بؤلوم : حيكايت یازار : سعيد آركان 0 باخیش
آرخايين ليق
اوزاق
يئرلردن گلن بير دسته آتلي،بير كندين اؤروشونده بير بوستانين يانيندان
كئچيرديلر.آتلاري ساخلايير بوستانچيني چاغيرديلار.نه قده ر سسله ديلر،جواب وئرن
اولمادي.بيلديلر بوستانچي بوستاندا دئييل.نئچه نفر آتلي لاردان ايسته ديلر بوستانا
يريب قووون درسينلر.آتلي لارين بؤيوگو اونلاري هايلاييب قايتاردي.دئدي:بوستانچي
آرخايين اولوب بوراني باشينا اؤتوردوگونه،بللي دير بو كندده اوغورلوق دب
دئييل.بونلارين بو نجيب دبيني پوزمايين.
فولكلور وارليغيميز(علي ظفرخواه)
بؤلوم : حيكايت یازار : سعيد آركان 0 باخیش
زيرناچي نين ترگيتمگي
زيرناچي دئدي:ايسته ييرم زيرنا چالماغي
ترگيدم.دئديلر:ها،دده نين باشي اوچون،سنينكي ترگيتمك
دئييل،قوجاليبسان،ديشلرين تؤكولوب چالانميرسان،اودور(اونا گؤره)
بؤلوم : حيكايت یازار : سعيد آركان 3 باخیش